জাতিংগাৰ জুই-হেমেন হাজৰিকা

   

     দেখি নিশিকা

     ঠেকি নিশিকা

     আত্মাভিমানী পক্ষী

     আজি নিৰুপায়  ।

    নিজৰ দেহত

    মহে কামুৰিলেহে বুজে

    ফৰফৰণি কিমান  ।

   কৃত কৰ্মৰ ফল

   ৰত্নাকৰৰ পাপৰ ফল

   পিতা--মাতা, পুত্ৰ--কন্যা

   কাৰোৰে প্ৰাপ্য নহয়  ।

   জাতিংগাৰ জুইত

   নিজেই দিব লাগিব

   আত্ম জাহ

  তাৰেই প্ৰস্তুতি চলিছে সৰ্বত্ৰ ।

  হায় মানৱ

   তুমি শিকিবা কেতিয়া ?

  শ্ৰেষ্ঠ জীৱৰ বিলাই দেখি

  চেতন হীনতাই হাঁহিছে  ।

   হাতো আছে

   ভৰি আছে

   জীৱ শ্ৰেষ্ঠৰ কায়া

  কি কাৰণত আওমৰণে 

  মৰিছা হে মানৱ ভায়া  ।

         🖋️ হেমেন হাজৰিকা

                মিৰ্জা

              কামৰূপ অসম  |