খমখমীয়া নোটৰ আকৰ্ষণ প্ৰবল -পাপু শইকীয়া

হেৰৌ সুবিধাবাদীৰ দল,

বিচাৰি ফুৰ প্ৰতি মূহুৰ্ততে চল,

ঠগ প্ৰৱঞ্চনাৰ কত বাৰিষাৰ ঢল,

জুতি পুতিৰে খালি কত ফল,

চাতুৰিৰ টাকুৰিত কোন কিমান সফল? 

কাৰ দুবাহুত আছে বল,

সুমধুৰ বাক্যবাণত কৰি তল- বল

সুবিধাবাদীৰ চলে অহৰহ কল, 

ক'ত লগালে নল, ক'ত ওলালে জল। 

দুবাহুৰ শকতিৰে কোন কিমান উজ্জ্বল। 

সৰলতা - মানৱতাক কৰি বিকল, 

হাবিয়াস পূৰাবলৈ এপল দুপল 

কাৰ চকুত বয় অশ্ৰুৰ ঢল, 

দুখবোৰ হাঁহিবোৰ ক'বলৈ নাই থল, 

জীৱন জীৱন কাৰ জীৱন নিস্ফল!