নতুন আশা - হিৰণ্যময় বৰুৱা

                  

নৈখনৰ পাৰ বান্ধিছে

দুয়োপাৰে দেখিছোঁ

নতুনৰ সৃষ্টি হৈছে

বেলি ডুবাৰ পৰত

নতুন মুখৰ মানুহৰ

ভীৰ বাৰুকৈয়ে কৰিছে

চৰায়ে নিদিয়ে মাত

আকাশখনেই সিহতৰ

অহা যোৱা বাট

নৈখনে আপোন পৰ নুবুজে

আপুনি ময়ো যেনেকৈ বুজোঁ

তেতিয়াহলে নৈখনে ভেটিছে কাক?

লুইতখনৰ বুকুত এতিয়া জাহাজ চলে

চকুমেলি দিলেই সকলোৱে

সাগৰ যেন দেখে

হিয়াখন মোৰ থৌকি বাথৌ কৰে

নৈখনে মোক মনে মনে সোধে

কিমান বাৰ নেখান্দে মোৰ বুকু।