নোৱাৰোঁ অ' দেউতা- দিপশিখা ৰাজকোঁৱৰ

তোমাৰ কোলাত মূৰ গুজি 

এবাৰ হেঁপাহ পলুৱাই 

উচুপিব পৰা হ'লে

এবাৰ কাষলৈ আহানা দেউতা 

তুমি বিহীন জীৱন জীয়াবলৈ 

বৰ কষ্ট হৈছে অ দেউতা।

নোৱাৰিছোঁ তোমাৰ অবিহনে 

তোমাক অকলশৰে থকা 

শুকান বননিৰ মাজত তেনেকৈ

 চাই থাকিব নোৱাৰোঁ দেউতা 

তুমি মৌন হৈ থাকিলে 

বৰ ভয় লাগে দেউতা 

বহু কথাই মনত পৰে ।

এবাৰ চোৱাচোন দেউতা 

কিমান বছৰ পাৰ হৈ গ'ল 

তোমাৰ জীয়া কাহিনী 

অভিমানী হৃদয়ৰ মাজত 

কেনেকৈ স্মৃতি বুলি সামৰি ৰাখোঁ 

তুমিয়েই কোৱাচোন দেউতা 

তুমি নোহোৱা অনুভৱৰ বিষাদ 

কেনেকৈ পাহৰো মই ।

তোমালৈ মনত পৰিলে 

কেনেকৈ তোমাৰ কথা নভবাকৈ 

কেনেকৈ থাকোঁ দেউতা 

নোৱাৰোঁ অ দেউতা 

মই নোৱাৰোঁ দেউতা 

বহুত মনত পৰে তোমালৈ।

✍️দিপশিখা ৰাজকোঁৱৰ