সময়ে নুবুজে যে
প্ৰেমৰ মালিতাক,
সময়ক মইও
ৰাখিব বিচাৰোঁ
সাৱটি চিৰদিন।
কিন্তু...
নোৱাৰোঁচোন ।
সময়ে এৰি গ'লেও
মইতো নাযাওঁ আঁতৰি,
তোমাৰ মাজতেই
থাকিম সন্ধ্যাৰাগিণী ।
লিখি যাম মই
জীয়া কাহিনী,
মাথোঁ তুমি
হৈ ৰোৱা মোৰ
চিৰকাল চিৰলগৰী ।
এধানি ফুলেৰে
দলিচা পাৰি
তাতেই ৰাখিম
তোমাক,
মৰমবোৰ আজুৰি
আনি ৰাখিম
হৃদয়ৰ মাজতেই
সাঁচি,
তাতেই উজ্জ্বলি
থাকিবা সন্ধ্যা
তৰাৰ দৰেই
মোৰ সন্ধ্যাৰাগিণী ।
✍️কংকন ডেকা
নমস্কাৰ স্বাগতম জনাইছোঁ আপোনাক । লেখাটো বা সংখ্যাটো পঢ়ি কেনেকুৱা পাইছে তলত কমেন্ট বক্সত লিখি আমাক জনাবলৈ নাপাহৰিব । লগতে লেখাটোৰ তলত দিয়া হোৱাটচএপ, ফেচবুক বুটামত টিপি লেখাটো আপোনাৰ শুভাংকাশী সকলৰ সৈতে শ্বেয়াৰ কৰি দিব । ধন্যবাদ