নৈখনৰ পাৰৰ অব্যক্ত প্ৰেম - চিন্ময় অনুৰাগ নাথ

নদী পাৰৰ শাল–বনে সুধিলে সিদিনা মোক

তুমি কিয় মিচিং কন্যাৰ চকুত বিচাৰিছা সুখ?

চেকী বাঁহীৰ সুৰ শুনিলেই মন আজি হয় উন্মনা

তাইৰ মুখৰ গান যেন শুনিবলৈ অধীৰ মোৰ প্ৰাণ।

তোমাৰ মুখত মিচিং শব্দ, মোৰ মুখত অসমীয়া

ভাষা পৃথক আমাৰ দুয়োৰে কিন্তু মন একেটাই,

তথাপি কিয় আজি এই বিসঙ্গতিয়া?

ফুলাম গামোচাত মৰমৰ বান্ধোন,

এদিন দিম তোমাক এখনি চেলেং

তুমি মোৰ আঙুলিত বান্ধিবা মৰমৰ বান্ধোন।

তোমাৰ লাজৰ ৰেঙনিত মাজনিশাৰ চন্দ্ৰমা জিলিকে

আশাৰ সংগ্ৰামৰ অনুভৱত; হৃদয় আজি জ্বলে,

ব্ৰহ্মপুত্ৰৰ ঢৌৱে কয়, অব্যক্ত প্ৰেমৰ কথা

কিন্তু সময়ৰ সোঁতত, নিগৰি যায় সপোনৰ গাঁথা।

       ✍️চিন্ময় অনুৰাগ নাথ।