অপ্ৰিয় সত্য••অৰূপ বড়ো

তুমি মোৰ আৰু মই তোমাৰ

সঁচানে বাৰু এই বান্ধোন,

সকলোৱে তাকেইতো বিচাৰে

নহয়নে বাৰু!!

কেতিয়াবা বন্ধুৰ আড্ডাত পাৰ কৰা সময়,

প্ৰিয়জনক নোপোৱাৰ বেদনাত উজাগৰী নিশা,

কাৰোবাৰ মৃত্যুত দুধাৰি চকুলো;

কিছু পোৱাৰ আনন্দ,

কিছু নোপোৱাৰ বেদনা

বিলাসিকতা,উচ্চ-নীচ

আমাৰ মানসিকতা..

জন্ম-মৃত্যু

কাৰোবাৰ বাবে জোনাকৰ হাঁহি!

আন কাৰোবাৰ বাবে 

আমানিশা?

এই যে মায়া মোহ

অপ্ৰিয় সত্য!

বাদ দিয়া হেই..

জীৱন জিন্দাবাদ।