শিক্ষা, স্বাস্থ্য আৰু পূৰ্বাধাৰ উন্নয়ন
ড০ হিমন্ত বিশ্ব শৰ্মাৰ নেতৃত্বত অসম শিক্ষাৰ ক্ষেত্ৰত এক নতুন যুগত প্ৰৱেশ কৰিছে। নতুন বিদ্যালয়, মহাবিদ্যালয়, বিশ্ববিদ্যালয় স্থাপন আৰু বিনামূলীয়া শিক্ষাৰ সুবিধাই ৰাজ্যখনৰ শিক্ষাৰ মান উন্নত কৰিছে। শিক্ষাখণ্ডৰ উন্নয়নশীল পৰিকল্পনাৰ অংশস্বৰূপে বিজ্ঞান, প্ৰযুক্তিবিদ্যা আৰু ব্যৱসায়িক শিক্ষাৰ ক্ষেত্ৰতো গুৰুত্ব দিয়া হৈছে। যুৱপ্ৰজন্মক দৰিদ্ৰতাৰ দুষ্টচক্ৰৰ পৰা মুক্তি দিয়াৰ লক্ষ্যৰে চৰকাৰে বিভিন্ন স্কিল ডেভলপমেণ্ট প্ৰশিক্ষণৰো ব্যৱস্থা কৰিছে।
স্বাস্থ্যখণ্ডতো "মুখ্যমন্ত্ৰীৰ আয়ুষ্মান অসম" আঁচনিয়ে বিনামূলীয়া চিকিৎসাৰ সুবিধা দিছে। ইয়াৰ উপৰিও, নৱনিৰ্মিত স্বাস্থ্যকেন্দ্ৰ, বিশেষকৈ গ্ৰামাঞ্চলত উচ্চ মানদণ্ডৰ চিকিৎসা সেৱা নিশ্চিত কৰাৰ বাবে গৃহীত পদক্ষেপসমূহ জনসাধাৰণৰ মাজত আস্থা বৃদ্ধি কৰিছে। আই.আই.টি. গুৱাহাটী, এম্স( AIIMS) আৰু অন্যান্য চিকিৎসা প্ৰতিষ্ঠানৰ সহযোগত অসমক চিকিৎসা শিক্ষাৰ কেন্দ্ৰ হিচাপে গঢ়ি তোলাৰ দিশত কাম চলিছে।
ইয়াৰোপৰি, নতুন ঘাইপথ, সেতু আৰু যোগাযোগ ব্যৱস্থাৰ উন্নতিসহ পূৰ্বাধাৰ উন্নয়নৰ ক্ষেত্ৰত মুখ্যমন্ত্ৰীগৰাকীৰ দিশনির্দেশনাই ৰাজ্যৰ সকলো প্ৰান্তক লাভবান কৰিছে। ব্ৰহ্মপুত্ৰৰ ওপৰত নতুন সেতু নিৰ্মাণৰ লগতে উচ্চ গতিসম্পন্ন ৰেল আৰু বায়ু পৰিবহণ ব্যৱস্থাৰ বিস্তাৰৰ লক্ষ্য ৰখা হৈছে।
কৃষি আৰু সাংস্কৃতিক বিকাশত বিমল বড়াৰ প্ৰচেষ্টা
বিমল বড়াই কৃষক আৰু গ্ৰামোন্নয়ন খণ্ডত বিশেষ গুৰুত্ব দিছে। কৃষক সকলৰ আয় বৃদ্ধি, উন্নত বীজ, বজাৰ নিশ্চিতকৰণ, আধুনিক কৃষি প্ৰযুক্তিৰ প্ৰয়োগ, আৰু জীৱিকা সহায়ক আঁচনিসমূহৰ জৰিয়তে কৃষিক্ষেত্ৰত নতুন সম্ভাৱনা সৃষ্টি কৰিছে। দিহিংচাং বহুমুখী সমবায় সমিতিৰ জৰিয়তে বৃহৎ পৰিমাণৰ আলু উৎপাদন আৰু বিক্ৰীৰ ব্যৱস্থা তেওঁৰ অন্যতম সফলতা।
কৃষিজাত সামগ্ৰীৰ প্ৰস্তুতকৰণ শিল্প আৰু খাদ্য প্ৰক্ৰিয়াকৰণ ক্ষেত্ৰতো গুৰুত্ব দিয়া হৈছে, যাৰ ফলত স্থানীয় যুৱপ্ৰজন্মক উদ্যোক্তা হিচাপে গঢ়ি তোলাৰ বাবে অনুকূল পৰিবেশ সৃষ্টি হৈছে। গাঁৱত আধুনিক কৃষি প্ৰযুক্তি জৰিয়তে পৰম্পৰাগত কৃষিক আধুনিকীকৰণৰ দিশত বিশেষ পদক্ষেপ গ্ৰহণ কৰা হৈছে।
আনহাতে, অসমীয়া সংস্কৃতিৰ জাগৰণ আৰু ঐতিহ্য সংৰক্ষণৰ ক্ষেত্ৰত তেওঁ বিশেষ ভূমিকা লৈছে। বিহু বিনন্দীয়া, ঝুমইৰ বিনন্দিনী আদি সাংস্কৃতিক উৎসৱৰ জৰিয়তে ৰাজ্যৰ পৰিচয়ক ৰাষ্ট্ৰীয় তথা আন্তঃৰাষ্ট্ৰীয় মঞ্চত প্ৰতিষ্ঠা কৰাৰ লক্ষ্য লৈ আগবাঢ়িছে। স্থানীয় কলা-সংস্কৃতিক উজ্জীৱিত কৰাৰ লগতে পৰম্পৰাগত বস্ত্ৰ, হস্ত শিল্প আৰু লোকসংস্কৃতিকো বিশ্বমঞ্চত উপস্থাপন কৰিবলৈ প্ৰচেষ্টা চলোৱা হৈছে।
অসমৰ উজ্জ্বল ভৱিষ্যত
অসমত ড০ হিমন্ত বিশ্ব শৰ্মা আৰু বিমল বড়াৰ নেতৃত্বত উন্নয়নৰ এক নতুন অধ্যায় আৰম্ভ হৈছে। যদি এই দীৰ্ঘম্যাদী পৰিকল্পনা আৰু কঠোৰ পৰিশ্ৰম অব্যাহত থাকে, তেন্তে অসম শীঘ্ৰেই দেশ তথা আন্তঃৰাষ্ট্ৰীয় মঞ্চত এক অনুকৰণীয় স্থান লাভ কৰিব। তথ্য-প্ৰযুক্তি, উদ্যোগ-ব্যৱসায়, আৰু পৰ্যটন ক্ষেত্ৰতো নতুন বিনিয়োগৰ জৰিয়তে অসমৰ অৰ্থনীতি অধিক সুদৃঢ় হোৱাৰ সম্ভাৱনা আছে।
দক্ষিণ-পূৰ্ব এছিয়াৰ দেশসমূহৰ লগত ব্যৱসায়িক আৰু সাংস্কৃতিক সম্পৰ্ক উন্নয়ন কৰাৰ যোগেদি অসম বিশ্ব-অর্থনীতিত নিজা স্থান সৃষ্টিৰ দিশত আগবাঢ়িব।অসমৰ উজ্জ্বল ভৱিষ্যতৰ বাবে মুখ্যমন্ত্ৰী ড০ হিমন্ত বিশ্ব শৰ্মা আৰু বিমল বড়াৰ নেতৃত্বত গ্ৰহণ কৰা পদক্ষেপসমূহে এখন আধুনিক, স্বনিৰ্ভৰ আৰু উন্নত অসমৰ সপোন বাস্তৱায়ন কৰিব বুলি আশা কৰা হৈছে।
নমস্কাৰ স্বাগতম জনাইছোঁ আপোনাক । লেখাটো বা সংখ্যাটো পঢ়ি কেনেকুৱা পাইছে তলত কমেন্ট বক্সত লিখি আমাক জনাবলৈ নাপাহৰিব । লগতে লেখাটোৰ তলত দিয়া হোৱাটচএপ, ফেচবুক বুটামত টিপি লেখাটো আপোনাৰ শুভাংকাশী সকলৰ সৈতে শ্বেয়াৰ কৰি দিব । ধন্যবাদ