হিয়াৰ খেল••অৰ্ণৱ কটকী

হিয়া ভঙা খেলত আজি তুমিয়েই জয়ী 

ভঙা গঢ়া খেলত বিজয়ী সফল তুমি 

হিয়াৰে হিয়া খেলি বিফলতাই আকাশ চুমে

খহি পৰা তৰাটি দৰে মোৰ মন আকাশৰ পৰা 

আঁতৰি দূৰ দিগন্তৰ নতুন ঠিকনা বিচাৰি,

অলস হিয়াই ফেকুৰি কান্দে, গভীৰ ৰাতি।।

 হঠাতে স্নিগ্ধ আকাশত এচমকা কলীয়া ডাৱৰৰ দাম বাঢ়িল 

গুমা হোৱা মনত বাৰিষাই জাগল পাতিল

পানীপচাত(পানীপোতা) কাগজৰ নাও মেলি শেষ হোৱা থাকোঁতে চাই

সপোন দেখোন তেনেকৈ জহি খহি যায়।

শিতানৰ গাৰু তিয়াই, ভগ্ন হৃদয়ক উপলব্ধি কৰাই।।

বিশ্বাসী জনো কেতিয়াবা অবিশ্বাসী হৈ পৰে 

আঁতৰৰ জনকো সময়ে ওচৰৰ চপাই আনে।

অবুজন মনক বান্ধি আশাই পাখি মেলে 

মৰম আলসুৱা এখন সঁচা হৃদয় বিচাৰি ফুৰে।।