চকুলো - ৰজনী কুমাৰ ডেকা

   

ফুট পথৰ  ছোৱালী তাই

নহয় ভিক্ষাৰী  ,

ফুট পথৰ নৰ্তকী তাই

সকলোৰে অভিসাৰিণী  ৷

মাতৃহীনা  হৈ পিতৃৰ সতে থাকে উমলি  ,

অন্ধ পিতৃৰ মনত  তাই যেন

জোন -বেলি , তৰালি ,

ষোড়শী গাভৰু তাই  আত্মবিশ্বাসী 

পোহৰৰ বেলিকাত আৰম্ভ হয়

এন্ধাৰ হলে আজৰি লয়  ,

গীতৰ তালত  তাইৰ 

দুভৰিত নূপুৰ বাজে জুন-জুন ৷

সহস্ৰ জনে বেঢ়িধৰে  ,

আশাৰ থালত এটকা-দুটকা  পৰে

আঙুলি মুৰত হিচাপ কৰি 

দুখাজ যোগাৰ কৰে ৷

নৰিয়াত পৰি এদিন পিতৃও 

হয় নিধন  ,

শেতা জোনাকৰ জোনটিও 

ডাৱৰত তেনেই ভুমূকি মাৰে ৷

জোনাক বিহীন  জীৱনত 

সৰে মাথো সৰে তপ্ত  চকুলো ৷

            ✍️ৰজনী কুমাৰ ডেকা