পৰিক্ৰমা••ৰেণু শৰ্মা

ক্লান্ত পথিক তুমি আহা ক'ৰপৰা?

জীৰাইছা আঁহতৰ ছাঁত,?

কত দূৰ বাট আৰু আছে যাবলৈ

আছেনে শক্তি বাৰু গাত?

তোমাৰ দৰেই আৰু ক'ত শত জনে

আহি আহি বহিলেহি আঁহতৰ ছাঁত 

জুৰি মলয়াত লৈ ক্ষন্তেক বিশ্ৰাম 

নিজৰ পথেৰে ল'লে বাট

আৰু বা কিমান আহে নাজানে কোনোৱে 

কোন বাটে গুচি যায় 

নাপায় ঠিকনা 

হাঁহি আৰু কান্দোনৰ 

পোৱা আৰু নোপোৱাৰ

হিচাপৰ নাই যে নমুনা।

শূণ্য হাতেৰে আহি

শূণ্য হাতেৰে গ'লা

এৰি গ'লা জীৱনৰ হাট

স্মৃতিৰ বুকুত আঁকি

প্ৰীতিৰ ৰক্তলেখা

আৰু এটি মৰমৰ মাত ।