নিঃসংগ সময়••লক্ষীমা তেলী

মই নিজকে সলনি কৰিব খোজো

যিদৰে সলনি হয় পাহাৰৰ উচ্চতা 

সলনি হয় যিদৰে নদীৰ গভীৰতা।

কিবা পাবৰ বাবে কিবা হেনো

হেৰুৱাব লাগে,

নিজকে হেৰুৱাওঁ বাৰে বাৰে 

তোমাক পাবৰ অপেক্ষাত। 

আকাশখন চুই চাব খোজো,

দেখিব খোজো অনেক নতুন সপোন। 

অনিশ্চয়তাৰ সতে বসবাস কৰো ,

দুচকুত শূন্যতা লৈয়ো

তোমাকে বিচাৰি ফুৰো।

হেঁপাহবোৰ কেতিয়াবা হুমুনিয়াহ হয়,

সপোনৰ ভগ্নস্তূপত ওলমি ৰয়

কিছু নিঃসংগ সপোন।