কল্পনা কৰাত কোনো বাধা নাই
সেয়ে মোৰ মন আকাশত
কল্পনাই ঠাই পায়
সকলো প্ৰত্যাহ্বানক নেওচি
কল্পনাৰ ঘোঁৰাত চেকুৰি
বহুদুৰ ঠাই বাগৰি
গুচি যায়
মন ডেউকা মেলি
কল্পনাৰ ৰাজ্যলৈ বুলি
যত হাজাৰটা গোলাপে হাঁহে
ভৰিৰ শিকলি চিঙে
হাতো ৰঙী আশাবোৰে
কুঁহিপাত মেলে
নিয়ৰে আলফুলে দুভৰিত
চেনেহৰ চুমা যাচে
জোনাকৰ বৰষুণত মোৰ
সৰ্বশৰীৰ তিতে
আকাশ চুব খোজা
সপোন বোৰে কিৰিলি পাৰে
বনৰ বিহগীয়ে সুমধুৰ গীত জুৰে
সেইবাবেই .......
আনতকৈ বহুগুণে ওখ
সাজিবলৈ লওঁতে কাৰেং হেঁপাহৰ
হঠাৎ কল্পনাত যদি পৰি
সন্মুখীন হওঁ কঠিন বাস্তৱৰ ।
নমস্কাৰ স্বাগতম জনাইছোঁ আপোনাক । লেখাটো বা সংখ্যাটো পঢ়ি কেনেকুৱা পাইছে তলত কমেন্ট বক্সত লিখি আমাক জনাবলৈ নাপাহৰিব । লগতে লেখাটোৰ তলত দিয়া হোৱাটচএপ, ফেচবুক বুটামত টিপি লেখাটো আপোনাৰ শুভাংকাশী সকলৰ সৈতে শ্বেয়াৰ কৰি দিব । ধন্যবাদ