নতুনত্ব••হিমাশ্ৰী দেৱী

প্ৰতিটো দিন নতুন হোৱাৰ আশাত অধিক অপেক্ষাৰত হৈ ৰওঁ মই,  

কিন্তু মোৰ বাবে প্ৰতিটো দিন দেখোন একেই হৈ ৰয় সদায়। একেবোৰ মোৰ আৰু সদায় ভাল নলগা হৈছে,

একেই দিনবোৰ কিমান চাই থাকিম আমনি লাগি গৈছে 

নতুনত্বক বিচাৰি বিচাৰি মই হাবাথুৰি খাই পৰিছো,

কিন্তু কিয় জানো নতুনত্বই মোক ধৰা দিবলৈ সংকোচ কৰিছে যেন পাইছো।

মই ভাবিবলৈ লৈছো নতুনত্বই মোক ভাল নাপায় চাগে,

মোৰ জীৱনত আহি কলূষিত হোৱাটো

সি বিচৰা নাই যেন লাগে।

তথাপিও আগ্ৰহেৰে বাট চাই আছো নতুনত্ব তোমাৰ আশাত,

ভৱিষ্যতেওঁ সদায় আগ্ৰহেৰে বাট চাই থাকিম 

নতুনত্ব তোমাৰ নঙলাত।