তুমি এজাক বৰষুণ••বাস্তৱ বৰুৱা

তুমি কোন???

তুমি এজাক বৰষুণ,

সপোনৰ তৰা বুটলা তুমি এজাক বৰষুণ,

নিশাৰ গভীৰতাক আৰু অলপ গভীৰ কৰা তুমি এজাক বৰষুণ.......

তুমি মোৰ এজাক অন্তহীন অনুভৱ,

শব্দৰে লিখিব নোৱাৰা শব্দৰে ক'ব নোৱাৰা এজাক অনুভূতি,

মোৰ হৃদয়ৰ মৰুভূমিখন জীপাল কৰা এজাক বৰষুণ।

নাজানো মোৰ শব্দৰ গভীৰতা কিমান ?

নাজানো অনুভৱৰ স্থিৰতা কিমান ??

কিন্তু এটা কথা জানো,

মোৰ অনুভৱৰ চোতাল খনত 

তুমি ভালপোৱাৰ ডলিচা পাৰিলা.....

কাৰণ তুমি এজাক বৰষুণ।