স্মৃতিৰ দলিচাত তুমি- ৰাখী মণি কলিতা

তোমালৈ, বৰকৈ মনত পৰিছে অ'

কেতিয়ালৈ আহিবা তুমি ?

মই ৰৈ আছো তোমালৈ 

সীমাহীন আশাৰে ।।

তোমাক লগ পাব বৰকৈ মন গৈছে ,,

সেই আগৰ সময়বোৰৰ দৰে ।

উফ্ ,, বৰ যন্ত্ৰনা !

তোমাৰ স্মৃতিবোৰ 

মোৰ বুকুৰ গভীৰতাত সাঁচি 

জীয়াই থকাটো ।

তোমাৰ কথা ভাবিলেই জানা ,

বুকুত ভাহি উঠে ,এটি মিঠা সুৰ ।

কিন্তু আজিও বুজি নাপালোঁ ?

নিষ্ঠুৰ তুমি নে ,মোৰ সময় !

 হয় কান্দিছো,

চকুপানী বোৰ শুকাই গৈছে,

তোমাক নোপোৱাৰ বেদনাত ।

চকুপানী বোৰৰ লগতে

তোমাৰ স্মৃতিবোৰো ,

ত্যাগ কৰিব চেষ্টা কৰিছোঁ,

কিন্তু মই পৰা নাই ।

দেখিছিলো জানা মইও, তোমাৰ দুচকুত ,

 এটি সজল সপোন।

 সাজিছিলোঁ এখন মৰমৰ ঘৰ, 

 য'ত তুমি, মই আৰু আমি। 

এতিয়া যেন আমি এটা 

 আধৰুৱা প্রেমৰ গাথা ন' ,

 অস্তিত্ব হেৰুৱা !