বিহুৰ ৰাতিৰ তুমি••লক্ষীমা তেলী

বিহুৰ ৰাতি, তৰাবোৰেও

তোমাৰ চকুৰে চাই থাকে,

আকাশখন পাট মেখেলা যেন—

তাতেই মই তোমাক সজাই থওঁ।

ঢোলৰ তালে তালে

মনত বাজে তোমাৰ মাত,

“তুমি নাই” বুলি জানিও

কেনেকৈ যেন অনুভৱ হওঁ হাতৰ স্পৰ্শ।

তুমি হাঁহিছিলা বহাগৰ কালি,

আজিও যেন গাভৰুবোৰৰ মাজত—

তোমাৰ হাঁহি মিহলি হৈ,

মোৰ দৃষ্টিৰে উৰি যায়।

বতাহৰ সংগীতে আজিও

তোমাৰ নাম উজাৰি ফুৰে,

বিহুৰ প্ৰতিটো পলত—

তোমাক হেৰুৱা নহয়,

তোমাক ঘূৰি পোৱা যেন।