তুমি মুক্ত-ইন্দু দত্ত উজীৰ

এটা উশাহ শেষ হৈ গ'ল

পৃথিৱীখন যেন বাকৰূদ্ধ হ'ল

এটা সুৰ হেৰাই গ'ল

সকলো যেন নিতাল, নিস্তব্ধ হৈ ৰ'ল ,

শ্বাসৰূদ্ধ, বাকৰূদ্ধ ,ভাষাহীন সকলো ,

নিজানত গান গোৱা বনৰীয়া পখিটি

কৰবাত উৰি গুচি গ'ল

অচিন, অজান মুলুকলৈ ,

আশা, ভৰসাৰে সজাই লোৱা শান্তিৰ নীড়

খন্তেকতে জঁই পৰি ৰ"ল ,

স্থবিৰ হৈ পৰিল ধৰিত্ৰী

স্থবিৰ হৈ পৰিল প্ৰকৃতি 

কবিতাৰো ছন্দ হেৰাই গ'ল 

সকলো আজি শোকত ম্ৰিয়মান হ'ল !

বুকুৰ মাজত হৃদয়বোৰে বিনালে

ধাৰাসাৰে বৈ অহা অশ্ৰু-অঞ্জলিয়ে

তোমাৰ বিদায় পৰত চৰণ চুমিলে ,

আজি বৰলুইতে উচুপিচে

তুমি বিহীন অসমী আইয়ে

অসহায় অনুভৱ কৰিছে ,

কাঞ্চনজংঘাই বিষাদত মূৰ দোৱাইছে ,

পাহাৰে-ভৈয়ামে প্ৰতিধ্বনিত আজি

তোমাৰ হৃদয়ৰ প্ৰতিটো গান ,

কথা শেষ হ'ল , গান শেষ হ'ল

হিয়াৰ আবেগ, জনকণ্ঠ

চিৰদিনৰ বাবে আঁতৰি গ'ল ,

জাতিয়ে জাতিয়ে মিলি তোমাৰ মিলনতীৰ্থত

এটা মানৱ জাতিৰ সৃষ্টি হ'ল ,

আকাশে-বতাহে গুঞ্জৰিত তোমাৰ গান

দেশৰ প্ৰান্তৰে প্ৰান্তৰে কেৱল তোমাৰ নাম ,

তুমি মৃত্যুঞ্জয় ! তুমি আপৰাজেয় !

তুমি মুক্ত ,তুমি মুক্ত ।