বজাৰ-শৰৎ ভৰালী

ব্যস্ত পথটোৰ দুয়ো কাষত মানুহৰ জুম বহিছে ৷

পুৱা আৰু কেতিয়াবা কানিমুণি

সময়ে-অসময়ে , যেতিয়াই-তেতিয়াই ৷

বেলিটো মূৰতলৈ কেতিয়াবা বৰষুণৰ ছাতিটো জপাই থৈ ৷

ঠাণ্ডা গৰম নেওচি 

কেৱল গোট হয় মানুহৰ ৷

দূৰ দূৰণিৰ বস্তুৰ দ’মৰ মাজত

মানুহবোৰে ম্ৰিয়মাণ হৈ বিচাৰি ফুৰে 

এখন খাদ্যৰ বজাৰ ৷

কিনোতাৰ নিমিলা হিচাপৰ কোলাহল 

আৰু ফেৰীৱালাই দিয়া হিচাপৰ ওজনে ,

ব্যতিব্যস্ত কৰিছে চিনাকি অচিনাকি মানুহৰ দাঁতিত ৷

দুই শ্ৰেণীৰ মানুহৰ ব্যস্ততাই 

বহল কৰিছে বজাৰখনক ৷

তেওঁলোকে ইজনে সিজনক 

বিনিময় কৰিছে ,

মৰম চেনেহৰ 

দৰ -দাম।